लाडक्या बहिणींना स्वावलंबी बनविण्यासाठी भाऊ एकनाथजी शिंदे यांचे खंबीर नेतृत्व – ऍड. डॉ. पी. बी. कुंभार शिवसेना ओबीसी विभाग, महाराष्ट्र राज्य
पुणे (प्रतिनिधी ) -
“एकनाथजी शिंदे साहेब हे केवळ उप मुख्यमंत्री नाहीत, तर महाराष्ट्रातील प्रत्येक लाडक्या बहिणींचे खरे अर्थाने आधारस्तंभ आहेत. महिलांना स्वावलंबी बनविण्यासाठी त्यांनी राबवलेल्या योजना, धोरणे आणि कार्यशैलीमुळे हजारो महिला सक्षमीकरणाच्या प्रवासात सामील झाल्या आहेत,” असे प्रतिपादन ऍड. डॉ. पी. बी. कुंभार, समन्वयक, शिवसेना ओबीसी विभाग, महाराष्ट्र राज्य यांनी यावेळी केले.
त्यांच्या मार्गदर्शनाखाली शिवसेना ओबीसी महिला विभाग, पुणे शहराच्या नव्या पदाधिकाऱ्यांची नियुक्ती नुकतीच जाहीर करण्यात आली.यामुळे पुणे शहरात ओबीसी समाजातील महिलांच्या हक्कांसाठी प्रभावी कार्य करेल, असा विश्वास व्यक्त करण्यात आला.
उर्मिला जगमोहन बनकर यांची शहर अध्यक्षा म्हणून निवड झाली असून त्या
सामाजिक व महिला सक्षमीकरण क्षेत्रात उल्लेखनीय योगदान देत आहेत.
पद्मजा लडकत – कार्याध्यक्षा
माधुरी जगताप – शहर सचिव
प्रीती नायकवाडी – उपाध्यक्षा
या सर्व नव्या पदाधिकाऱ्यांनी आपल्या निवडीनंतर मुख्यमंत्री एकनाथ शिंदे यांच्या नेतृत्वावर दृढ विश्वास व्यक्त केला. ओबीसी महिलांसाठी आरोग्य, शिक्षण, स्वयंरोजगार, प्रशिक्षण, हक्क व सक्षमीकरण या क्षेत्रात निर्णायक पावले उचलली जातील, असा निर्धार त्यांनी व्यक्त केला.
कार्यक्रमाचे नियोजन उर्मिला जागमोहन बनकर यांनी तर आभार प्रदर्शन माधुरी जगताप यांनी केले.
या वेळी ऍड. डॉ. पी. बी. कुंभार यांनी ओबीसी महिलांच्या विकासासाठी संघटनेच्या वतीने स्वतंत्र कौशल्यविकास शिबिरे, महिला मदत केंद्र, वधुवर मेळावे आणि विविध उपक्रम राबविण्यात येतील असे सांगितले.
या कार्यक्रमाला राजेश जगताप, राष्ट्रीय ओबीसी महासंघाचे राज्य संपर्क प्रमुख मा.भगवानराव श्रीमंदिलकर, राष्ट्रीय ओबीसी महासंघाचे कार्याध्यक्ष व भटक्या विमुक्त
संघटनेचे अध्यक्ष माननीय हरिभाऊ सावंत आणि भोसले राष्ट्रीय ओबीसी महासंघाचे प्रसिद्धी प्रमुख सुरज रामरूले , राष्ट्रीय ओबीसी महासंघाचे शुभचिंतक जगमोहन बनकर ,जेजुरी दिंडी मंडळाचे विठ्ठल भक्त माननीय खरतुरे,भारती वेल्हेकर, उज्वला सावंत,रुपाली तारू,उज्वला चव्हाण,भरती बेले, अलका लडकत, अशा शृंगारपुरे, अशा राऊत,अपेक्षा राऊत,भारती बेल्हेकर,नेहा घोलप, भावना पाटील, शिल्पा घोलप, आदिसिंह यांच्यासह मोठ्या प्रमाणात शिवसैनिक उपस्थित होते.
